Morreron xa os camiños,
agora só medran as casas;
ninguén hoxe pode dicir
se mañá teremos castañas.
A raíz do toxo verde
é moi mala de arrincar;
carballo que medra torto
non se pode endereitar.
Se queres que o carro cante,
compañeiro, meu veciño,
se queres que o carro cante,
móllale o eixe no río.
Cando o Pico Sacro
cobre o seu capelo,
raparigas do Ulla,
cubride o mantelo.
Señor cura, señor cura,
cómase cedo o roscón,
que teño na man un pao
pra lle limpar o panarrón.
Tódolos que «cantan» ben
teñen «posto» no muíño,
os que no saben «cantar»
miran por un buraquiño.
Visitas: 0